سعودی حکومت کی کرونا کے خلاف جنگ میں احتیاطی تدابیر

0

کرونا کے خلاف جنگ میں احتیاطی تدابیر،،،سعودی حکومت نے نمازیوں کے جسم کا درجہ حرارت جانچنے کیلئے مسجد نبویؐ میں تھرمل کیمرے نصب کردیئےگئے

سعودی حکومت نے کرونا کے خلاف جنگ میں احتیاطی تدابیر کے طور پر مسجد نبویﷺ میں تھرمل کیمرے نصب کردیئے جن کی مدد سے مسجد میں آنے والے نمازیوں اور زائرین کے جسم کا درجہ حرارت جانچا جا سکے گا۔

سعودی میڈیا کے مطابق یہ کیمرے بیک وقت 25 افراد کے جسم کا درجہ حرارت مانیٹر کرنے کی صلاحیت رکھتے ہیں اور ان کی مدد سے 9میٹر کی دوری سے آواز اور تصویر کو محفوظ کیا جا سکتا ہے جبکہ تصاویر پر مشتمل ڈیٹا ایک ماہ تک محفوظ رکھا جا سکے گا، جسے حسب ضرورت ماہرین کو براہ راست بھیجا جا سکتا ہے۔

سعودی حکومت نے کرونا وائرس کے پھیلائو کو روکنے کے لئے مسجد حرام اور مسجد نبویؐ کے بیرونی احاطے میں نماز ادا کرنے پر پابندی لگا دی تھی۔ اس کے علاوہ ملک بھر کی مساجد میں نماز جمعہ سمیت باجماعت نمازوں کی ادائی پر بھی پابندی عائد ہے۔

Leave a Reply

This site uses Akismet to reduce spam. Learn how your comment data is processed.

%d bloggers like this: