بھارت کھیلوں کے میدان میں من مانی سے باز نہ آیا

بھارت نے اثرورسوخ سے اپنے تمام میچز ابوظہبی میں رکھ لئے

بھارت کھیلوں کے میدان میں بھی ہٹ دھرمی اور من مانی سے باز نہ آیا اور ایشیا کپ میں اپنا اثرورسوخ استعمال کرتے ہوئے بھارت نے اپنے تمام میچز ابوظہبی میں رکھوالئے
ٹورنامنٹ کے لیے گروپ ”اے“ میں پاکستان، بھارت اور کوالیفائر ہانگ کانگ جبکہ گروپ ”بی“ میں بنگلہ دیش، سری لنکا اور افغانستان کی ٹیمیں شامل ہیں، دونوں گروپس میں سے سرفہرست دو دو ٹیموں کو سپر فور مرحلے میں جگہ ملے گی جہاں ہر ٹیم باقی تین ٹیموں سے میچ کھیلی گی ۔ سپر 4 مرحلے میں کس ٹیم کو پہلے کس کے ساتھ اور کہاں کھیلنا ہے اس کا فیصلہ گروپ اسٹیج کے اختتام پر پوائنٹس ٹیبل کی بنیاد پر ہوگا۔ سپر 4 مرحلے میں 21، 23اور 26ستمبر کو بیک وقت دو دو میچز کھیلے جائیں گے،بھارتی کرکٹ بورڈ نے اپنا اثرورسوخ استعمال کرتے ہوئے سپر 4 مرحلے میں پاکستان کے ساتھ میچ کے سوا دیگر میچز ابوظہبی میں کرانے کا فیصلہ کرلیا ہے، پوائنٹس پوزیشن کچھ بھی ہو، گرین شرٹس کو اسی وینیو پر کھیلنا پڑے گا۔سیکیورٹی معاملات کی وجہ سے ایشیا کپ نیوٹرل وینیو پر کروانے والے بھارتی بورڈ کا کہنا ہے کہ بطور میزبان انہیں میچز کے وینیوز کا فیصلہ کرنے کا حق حاصل ہے۔

You might also like

Comments are closed.