لاہور تا کاشغر پاک چین بس سروس 3 نومبر سے شروع ہوگی

بس شمالی پاکستان کے راستے 30 گھنٹوں میں کاشغر پہنچے گی

لاہور سے روانگی ہفتہ، اتوار، پیر اور منگل، کاشغر سے روانگی منگل، بدھ، جمعرات اور جمعہ کو ہوگی
اسلام آباد ۔ 30 اکتوبر (اے پی پی) لاہور سے کاشغر تک پاک چین بس سروس 3 نومبر سے شروع ہو گی، یہ سروس ایک نجی ٹرانسپورٹ کمپنی کی طرف سے شروع کی جارہی ہے، بس کا یک طرفہ کرایہ13ہزار جبکہ واپسی ٹکٹ کے ساتھ 23 ہزار روپے ہو گا، یہ بس شمالی پاکستان کے راستے 30 گھنٹوں میں کاشغر پہنچے گی۔ کمپنی کے چیف ایگزیکٹو آفیسر محمد انور کے مطابق یہ بس سروس پاکستان اور چین کے درمیان دوستانہ تعلقات کو فروغ دے گی۔

اس سروس سے مقامی افراد کو روزگار کے نئے مواقع میسر آسکیں گے۔انہوں نے کہاکہ بس سروس میں مسافروں کی حفاظت کے لئے خفیہ کیمروں اور سکیورٹی کا خصوصی انتظام کیا گیا ہے۔ انہوں نے کہاکہ بس سروس لاہور سے کاشغر تک ہفتہ میں چار دن کا شیڈول جاری کیا گیا ہے جس کے مطابق لاہور سے روانگی ہفتہ، اتوار، پیر اور منگل کو جبکہ کاشغر سے روانگی منگل، بدھ، جمعرات اور جمعہ کو ہوگی۔ انہوں نے کہاکہ لاہور کے علاوہ راولپنڈی اور اسلام آباد کے مسافر بھی بکنگ کروا سکتے ہیں۔ اس سروس کی بسوں میں انتہائی آرام دہ اور پرسکون سفر کے ساتھ ساتھ ناشتہ، دوپہر کا کھانا، رات کے کھانے سمیت مشروبات، چائے اور نمکین اشیاء بھی فراہم کی جائیں گی اس کے ساتھ وائی فائی سروس بھی میسر ہو گی۔

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.