عامر خان اور امیتابھ بچن کی ایک ساتھ اکٹھے پہلی فلم ’’ ٹھگز آف ہندوستان ‘‘

عامر خان اور امیتابھ بچن کی ایک ساتھ اکٹھے پہلی فلم ’’ ٹھگز آف ہندوستان ‘‘

عامر خان اور امیتابھ بچن کی ایک ساتھ اکٹھے پہلی فلم ’’ ٹھگز آف ہندوستان ‘‘ آٹھ نومبرکو سنیماؤں کی زینت بنے گی ۔
ہیوی بجٹ فلم میں بیوٹی کوئین قطرینہ کیف رقاصہ جبکہ فاطمہ ثنا ء شیخ لڑاکا ٹھگ کے کردار میں جلوہ گر نظر آئیں گی ۔
ڈسٹری بیوشن کلب کے زیر اہتمام بالی وڈ کی تاریخ کی مہنگی ترین فلم ’’ ٹھگز آف ہندوستان‘‘ امریکہ ، برطانیہ ، متحدہ عرب امارات اور بھارت کے ساتھ ساتھ آٹھ نومبر کو پاکستانی سنیماؤں کی زینت بنے گی ۔ ثقافتی تہوار دیوالی کے موقع ریلیز کی جانے والی فلم کا مجموعی بجٹ تین سو کروڑ سے زائد ہے جبکہ اس تاریخی فلم کی عکسبندی یورپی ملک مالٹا کے دلفریب ساحل پر کی گئی ہے ۔ فلم میں امیتابھ بچن نے ابوبکر آزادنامی لڑاکا لیڈرکا کردار ادا کیا ہے جبکہ عامر خان فرنگی ملاح نامی ٹھگ کے کردار میں نظر آئیں گے جسے انگریز سرکار اور ٹھگوں کے گروپ کے درمیان صلح کا معاہدہ کروانے کا ٹاسک ملتا ہے۔ ڈائریکٹر وجے کرشنا اچاریہ کی زیر ہدایت بنی اس فلم کی عکسبندی خصوصی طور پر تیار کئے گئے سینکڑوں ٹن وزنی دیو ہیکل بحری جہازوں پر کی گئی ہے جسے فلم کے کلائمکس سین میں دھماکے سے اڑا دیا جاتا ہے ۔ فلم میں قطرینہ کیف کے دو سپر ہٹ ڈانس نمبرز بھی شامل ہیں جو میوزک چارٹس پر سر فہرست جا رہے ہیں ۔ ڈسٹری بیوشن کلب کے زیر اہتمام لاہوراور کراچی میں فلم کے پریس شوز کا اہتمام بھی کیا جائے گا۔

You might also like

Comments are closed.