محکمہ اطلاعات و ثقافت پنجاب کو کس کی تلاش ؟

محکمہ اطلاعات و ثقافت پنجاب کو کس کی تلاش ؟

صوبائی وزیر برائے اطلاعات و ثقافت پنجاب فیاض الحسن چوہان نے کہاکہ گلوکاری کے شوقین تمام نوجوان تیار ہو جائیں کیونکہ محکمہ اطلاعات و ثقافت پنجاب 16فروری کونئے پنجاب کی سب سے سُریلی آواز کی تلاش میں نکل رہی ہے ۔ تلاش کا آغاز ملتان سے کیا جا رہا ہے ۔ دور دراز علاقوں سے سر تال کے شوقین اپنے اڈیشنز کے لیے محکمے کی جانب سے جاری کردہ ٹیلی فون نمبرز پر واٹس ایپ کے ذریعے اپنی آوازیں بھیج سکتے ہیں ۔چاروں ریجنز سے منتخب شدہ 20آوازوں کو لاہور میں گراینڈ فینالے سے پہلے موسیقی کے نامور فنکاروں سے تربیت کا موقع دیا جائے گا۔اس مقصد کے لیے ریجنل آرٹس کونسلز کے ڈائریکٹرز کی سربراہی میں 4رکنی کمیٹی بنائی جائے گی۔
ان خیالات کا اظہار انہوں نے آج نے الحمرا آرٹ کونسل میں وائس آف پنجاب کے حوالے سے منعقدہ اجلاس سے خطاب کے دوران کیا۔ صوبائی وزیر نے کہا کہ انتخاب کے دوران شفافیت کو یقینی بنایا جائے گا اس حوالے سے کسی بھی نوعیت کے تعصب کو نظر انداز نہیں کیا جائے گا پروجیکٹ کے مالیاتی اُمور کی بھی مکمل نگرانی کی جائے گی۔کامیاب ہونے والے پہلے تین اُمیدواروں کو بالترتیب 5،3 اور ڈیڑھ لاکھ روپے کے انعامات تقسیم کیے جائیں گے جبکہ حتمی مقابلے کے لیے منتخب ہونے والے20کے20امیدواروں میں بھی نقد انعامات تقسیم کیے جائیں گے ۔ حتمی مقابلے میں ہر ریجن سے پانچ پانچ امیدواروں کی شمولیت کو یقینی بنایا جائے گا۔ وائس آف پنجاب کے تحت بہترین گلوکار کے انتخاب کے لیے مقابلے ہر سال کروائے جائیں گے ۔ ججز کا اعلان کمیٹی میں مجوزہ ناموں کی منظوری کے بعد کیا جائے گا۔ صوبائی وزیر نے محکمہ اطلاعات و ثقافت کو ہدایت کی کہ وہ جلد سے جلد ضروری کاروائی کی تکمیل کے بعد پروگرام کی تشہیری مہم اور فون نمبرز کے اعلان کا آغاز کریں ۔ اجلاس کے دیگر شرکاء میں سیکرٹری اطلاعات و ثقافت بلال احمد بٹ، ایگزیکٹو ڈائیریکٹر الحمراء آرٹ کونسل اطہر علی خان ، ایڈیشنل سیکرٹری محمد عامر اور متعلقہ افسران شامل تھے۔

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.